शैक्षिक गुणस्तर वृद्धि गर्न तर्फ सरकारको ध्यान केन्द्रित भएको छ : मन्त्री भण्डारी

सुर्खेत : कर्णालीका सामाजिक विकास मन्त्री घनश्याम भण्डारीले  विद्यालयको शैक्षिक गुणस्तर वृद्धि गर्न तर्फ सरकारको ध्यान केन्द्रित भएको बताएका छन। सैद्धान्तिक ज्ञानमा केन्द्रित पाठ्यक्रमको शिक्षा प्रणालीलाई बलियो बनाउन तर्फ सरकारको ध्यान केन्द्रीत भएको बताए ।  यसका लागि पढ्दै, सिक्दै, कमाउँदै गर्ने जीवनोपयोगी शिक्षा प्रणाली अवलम्बन गर्नुपर्ने समेतमा जोड दिए । 

शनिबार काठमाण्डौं विश्वविद्यालय स्कुल अफ् एजुकेशन कुसोडद्वारा सुर्खेतमा आयोजित कार्यक्रममा बोल्दै मन्त्री भण्डारीले विद्यालयको शैक्षिक गुणस्तर वृद्धि गर्न तर्फ सरकारको ध्यान केन्द्रित भएको जानकारी दिए। यसका लागि सरकारको आगामी आर्थिक वर्षको बजेट प्राथमिकीकरण गरिएको बताए। 

सामाजिक पूंजी निर्माणका लागि मानवियताको आधारमा व्यवहार गर्न सोही अनुरूपको ज्ञान प्रदान गर्न आवश्यक रहेको बताए। 

पछिल्लो समय कर्णालीमा भइरहेको शिक्षक अभावको हुने समस्यालाई समाधान गर्न प्रदेश सरकार विभिन्न विश्वविद्यालय हरुसंग साझेदार गर्न तयार रहेको प्रतिवद्धता जनाए। 

साथै, शिक्षकहरूको पेशागत विकास, अनुभव आदान प्रदान तथा समसामयिक शैक्षिक विषयमा संवाद गर्ने उद्देश्यले एकदिने शिक्षक सम्मेलन आयोजना गरिएको कुसोडले जनाएको छ।

सम्मेलनमा प्रमुख वक्ताहरूका मन्तव्य, कार्यशाला सत्रहरू तथा शिक्षकहरूले प्रस्तुत गर्ने अनुभव र अभ्यासका प्रस्तुतीकरणहरू रहने आयोजकको भनाइ छ।