सामाजिक विकास मन्त्री घनश्याम भण्डारीको कविता संग्रह विमोचन

सुर्खेत : कर्णाली प्रदेश सरकारका सामाजिक विकास मन्त्री घनश्याम भण्डारीको कविता संग्रह शाश्वत सत्यू विमोचन भएको छ । शनिबार वीरेन्द्रनगरमा औपचारिक कार्यक्रमकाबीच प्रमुख प्रगतिशील लेखक संघका अध्यक्ष डा। मधुसूदन घिमिरे, डा.नवराज लम्साल, ओम रिजाल लगायतका साहित्यकारहरुले संयुक्तरुपमा कविता संग्रह सार्वजनिक गरेका हुन् ।

कविता संग्रहका लेखक मन्त्री भण्डारीले आम नागरिकका रुपमा आफूले भोगेका र देखेका वास्तविकततालाई कवितामा उतारेको बताए । कार्यक्रमका प्रमुख अतिथिसमेत रहेका प्रगतिशील लेखक संघका अध्यक्ष डा। मधुसूदन घिमिरे शाश्वत सत्य कविताले नेपाली साहित्यमा इउटा इट्टा थपिएको धारणा राखे । कविता संग्रहमा मन र मस्तिकको सन्तुलन गर्न खोजीएको भन्दै सर्जक र समाजसेवी भावनाले भरिएको उल्लेख गरे ।

लेकख एवम् सञ्चारकर्मी डा.नवराज लम्सालले राजनीति र साहित्यलाई छुट्याउन कविता संग्रह विवेकले बाँधिएको बताए । 

त्यस्तै अर्का साहित्यकार ओम रिजालले कविता संग्रहले जीवनका अध्यारा पक्षहरूलाई पन्छ्याउँदै उज्यालोतर्फ हुनुपर्ने सन्देश दिएको बताए । उनले विद्रोही चेतका साथ मानिसको जीवनमरणका हरेक कोणहरू समेटिएको भन्दै शरीर र आत्मवीच भ्रमित रहेको बताए । 

कविता संग्रहमाथि समीक्षा गर्दै साहित्यकार एवम् मध्यपश्चिम विश्वविद्यालय उपप्राध्यापक वासुदेव पाण्डेले शाश्वत सत्य अञ्चालिक कविता संग्रह भएको बताए । कविता संग्रहमा सत्य प्रेम, अभावको पाठशाला र कर्णालीको गौरवय इतिहास र संस्कृततिलाई लिपिबद्ध गरिएको बताए । उनले मानव जीवनका हरेक कालखण्डहरुलाई सुन्दर रुपमा उतारिएको, नयाँ पुस्ताले हाम्रो कला र संस्कृतलाई भुल्न थालेको वास्तविकतालाई कविले कवितामा कैद गर्न सक्नु सुखद पक्ष भएको उल्लेख गरे ।

विमोचन कार्यक्रममा कर्णाली प्रदेश सभा सदस्य कल्याणी खड्का, रणसिह परियार, जुम्कित लामा, मिलन खड्का, सामाजिक विकास मन्त्रालय निमित्त सचिव जहवारलाल हमाल सहित विभिन्न विधामा कलम चलाउने साहित्यकारहरुको सहभागिता रहेको थियो ।