सुर्खेत : असार १८ गते बिहीबार कर्णाली राजमार्ग अन्तर्गतको साङ्गेतडा दुर्घटनाका चालकको ९ दिनपछि शव फेला परेको छ । जिल्ला प्रहरी कार्यालय दैलेखका प्रहरी प्रमुख, प्रहरी नायव उपरीक्षक श्रवणकुमार विकले चालक तुलाराम सुवेदीको शव भेटिएको बताए छन। उनका अनुसार, उनको शव शनिबार बिहान ७ बजेको समयमा अछामको तुर्माखाँद गाउँपालिका( २ जमगडास्थित कर्णाली नदीको किनारमा भेटिएको हो ।
पश्चिम सुर्खेतको पञ्चपुरी नगरपालिका९ ८ माझिगाउँ निवासी सुवेदीको शव उनका बुबाले पहिचान गरी बुझेका छन् । साङ्गेतडा घटनामा बेपत्ता भएका उनका भाइ तथा गाडीका सहचालक रामप्रसाद सुवेदीको अवस्था भने अझै अज्ञात छ।
असार १८ गते बिहीबार बिहान ११ः ३० बजे सुर्खेतबाट कालिकोटतर्फ जाँदै गरेको क।प्र। ०२–००१ ख १०५५ नम्बरको फोर्स गाडी दैलेखको चामुण्डा बिन्द्रासैनी नगरपालिका–७ स्थित कर्णाली राजमार्गको साङ्गेतडा क्षेत्रमा दुर्घटना भएको थियो ।
गाडीमा ५ जना सवारमध्ये कालिकोट पचालझरना गाउँपालिका–९ निवासी ५४ वर्षीय जेखे तिरुवा भीरमा अड्किएको अवस्थामा फेला परेका थिए ।
दुल्लु अस्पतालका चिकित्सकले उनलाई मृत घोषणा गरेका थिए । त्यस्तै, गाडीसँगै नदीमा बेपत्ता भएका कालिकोटको पचालझरना गाउँपालिका–९, का मेगे तिरुवाको शव गत सोमबार कैलालीको सुङ्गरखाला क्षेत्रमा भेटिएको थियो।
त्यस्तै, कालिकोटको रास्कोट नगरपालिका–२ की १८ वर्षीया सिर्जनाको शव मंगलबार पश्चिम सुर्खेतको चौकुने गाउँपालिका—४ मा पर्ने डङ्डगे क्षेत्रमा भेटिएको थियो ।
अझै एक जना र गाडीको अवस्था भने अज्ञात नै रहेको प्रहरीले जनाएको छ । गाडी र यात्रुको खोजीका लागि ३ वटै सुरक्षा निकायका अधिकारी सक्रिय रहे पनि पत्ता भने लागेको छैन।
गाडी राजमार्गबाट करिब ४०० मिटर तल कर्णाली नदीमा खसेको थियो । त्यसपछि गाडी नदीमा डुबेको थियो।
Post a Comment