सुर्खेत : कर्णालीका औषधि व्यवसायीहरू भोली देखि आन्दोलन गर्ने भएका छन् । औषधि ऐन २०३५ को दफा ११ का केही उपदफाहरू संशोधनको माग गर्दै नेपाल औषधी व्यवसायी संघ, नेपाल आयुर्वेद औषधी व्यवसायी संघ र नेपाल पशुपंछी औषधी व्यवसायीले संयुक्त रूपमा आन्दोलनको घोषणा गरेका हुन् । गएको साउन १४ गते संघीय सरकारले ल्याएको ऐनको ९ गतेसम्म ऐन संशोधनको माग राखेको थिए । तर औषधि व्यवस्था विभागले माग पूरा नगरेपछि आफुहरु आन्दोलन गर्ने राष्ट्रिय संयुक्त औषधि व्यवसायी संरक्षण समिति कर्णाली प्रदेश संयोजक प्रेमबहादुर भण्डारीले जानकारी दिए ।
संघर्षका कार्यक्रम अन्तरगत यहि मंङ्सिर ११ गतेदेखि १६ गते सम्म औषधी व्यवस्था विभागको प्राङ्गणमा धर्ना तथा व्यवसायीले कालो पट्टी बांधी सेवा प्रदान गर्ने घोषणा गरिएको छ ।
व्ययसायीहरूले ऐनको दफा ११ उपदफा ३ मा देहायअनुसार संसोधन गरिनु पर्ने, दफा ११ को उपदफा ५ पूर्णतः खारेज गर्नुपर्ने, रिजर्भ एन्टिबायोटिक अस्पताल फार्मेसीबाट मात्र विक्रिवितरण गर्ने निर्णय फिर्ता लिनुपर्ने,ओरेन्टेसन प्रमाणपत्र बाहकले औषधिको थोक बिक्रेता बन्न नपाउने नियमको खारेजी गर्नुपर्ने, औषधिको अनलाइन बजारीकरण र विक्रिवितरणमा रोक लगाउन, पसल दर्ता भैसकेका तर ओरेन्टेसन तालिम लिन असमर्थ रहेका भेटेनरी औषधी व्यवसायीलाई तुरुन्तै ओरेन्टेसन तालिम संचालनको व्यवस्था गरी व्यवसायी प्रमाणपत्र दिने ।
विशेष गरी उपदफा ३ र ५ ले व्यवसायीहरूलाई सन्तुलन गुमाएको औषधि व्यवसायीहरूको माग छ । व्यवसायीहरूले सरकारले ल्याएको संशोधनले व्यवसाय विस्थापित हुने बताउँदै शसोधन तथा खारेजीको माग गर्दै आन्दोलनको तयारी गरेका छन् ।
यस्ता छन संघर्षका कार्यक्रमहरु :
Post a Comment