जेनजी आन्दोलनमा मृत्यु भएकालाई सहिद घोषणा : परिवारलाई १० लाख सहयोग

काठमाण्डौँ : भदौ २४ गते काठमाडौँ लगायत देशभर भएको जेन्जी आन्दोलनका क्रममा मृत्यु भएकाहरूको परिवारलाई १०/१० लाख रुपैयाँ दिने निर्णय भएको छ।

प्रधानमन्त्री सुशीला कार्कीको पदभार ग्रहणपछि सिंहदरबारमा आयोजित समारोहमा उक्त जानकारी दिइएको हो। यसैगरी प्रदर्शनमन क्रममा मृत्यु भएकाहरूलाई सहिद घोषणा गरिने भएको छ। घाइते भएकाहरूको सरकारले निःशुल्क उपचार गरिदिने भएको छ।

जेनजीको आह्वानमा भएको प्रदर्शन क्रममा गत सोमबार नयाँ बानेश्वर क्षेत्रमा सुरक्षाकर्मीले गोली चलाएको थियो। नेपाल प्रहरीका अनुसार प्रदर्शनका क्रममा मृत्यु हुनेको संख्या ७२ जना पुगेको छ।