जुम्लामा चट्याङ लागेर २०० भन्दा बढी भेडा मरे : एक जना गोठाला घाइते

सुर्खेत : जुम्लाको गुठीचौर गाउँपालिका–५ स्थित पाटनमा चट्याङ लागेर  २०० भन्दा बढी भेडा मरेका छन् भने एक जना गोठाला घाइते भएका छन् । ‎घाइते हुनेमा सिंजा गाउँपालिका–५ का गोठाला धनबहादुर रावत रहेको जिल्ला प्रहरी कार्यालय जुम्लाका प्रहरी नायव उपरीक्षक ९डिएसपी० रविनबाबु रेग्मीले जानकारी दिए ।

‎उनका अनुसार सोमबार अपराह्न गुठीचौरको ’सानो हाका’ भन्ने पाटनमा चट्याङ परेको थियो । चट्याङ लागेपछि उनी बेहोस भएको स्थानीयले जानकारी दिएको रेग्मीले रातोपाटीलाई जानकारी दिए । घाइते रावतको उद्धारको लागि हेलिकप्टरको प्रयास गरिए पनि साँझ परेकाले सम्भव भएन,’ डिएसपी रेग्मीले भने, ’घटनास्थल विकट लेकमा पर्छ, जहाँ पुग्न करिब ७–८ घण्टा पैदल हिँड्नुपर्छ ।’

‎घटनाको जानकारी पाएलगत्तै प्रहरी टोली घटनास्थलतर्फ पठाइएको छ । ‎घटनास्थलमा फोन सम्पर्क हुन नसक्ने र सूचना दिने व्यक्तिले पनि फोन लाग्ने ठाउँमा आएर खबर गर्नुपरेकाले क्षतिको यकिन विवरण आउन बाँकी रहेको उनले बताए ।