पत्रकार महासंघको स्थापना दिवसका अवसरमा ७० बढीले लिए निःशुल्क सेवा

सुर्खेत  : नेपाल पत्रकार महासंघ सुर्खेत शाखाको ३४ औँ स्थापना दिवसका अवसरमा ७० भन्दा बढीपत्रकारले निःशुल्क सेवा लिएका छन । 

 महासंघको स्थापना दिवसको अवसरमा तिन दिने कार्यक्रम आयोजना गरिएको छ । जस अनुसार आइतबार फुटवल प्रतियोगिता, सोमबार निःशुल्क स्वास्थ्य शिविर सम्पन्न गरिएको छ । यस्तै मंगलबार प्रभातफेरी तथा शुभकामना आदानप्रदानको कार्यक्रमको आयोजना गरिएको छ ।

यस्तै सोमबार नेपाल पत्रकार महासंघ सुर्खेत शाखाको आयोजना र प्रदेश अस्पताल कालागाउँ सुर्खेतको प्राविधिक सहयोगमा सोमबार आयोजना गरिएको पत्रकारहरूको स्वास्थ्य परीक्षण शिविर सम्पन्न भएको छ ।

शिविरमा जनरल जाँच, आँखा, दाँत साथै सुगर, प्रेसर, मुटु, मिर्गौला, पाठेघरको मुखको क्यान्सर परीक्षण, कलेजोसँग सम्बन्धित रोगहरूको परीक्षण गरिएको र ७० भन्दा बढी पत्रकारले स्वास्थ्य जाँच गराएको छन् ।

शिविरमा इन्टरनल मेडिसियन कन्सल्टेन्ट फिजिसियन डा. खेम नारायण चालिसे, नेत्ररोगग विशेषज्ञ डा.शक्ति सुवेदी, दन्त रोग विशेषज्ञ डा.पूर्ण पौडेल, वरिष्ठ ल्याब टेक्निसियन निरीक्षक भरत देवकोटा, ल्याब टेक्निसियनहरू विमला रावत, विकास गिरी, डिलमाया सोमै, अञ्जली बिक र अफ्थफाल्मिक असिस्टेण्ट आरूसा केसीले सेवा दिएका थिए ।